कैलाली । इंग्ल्याण्डका विश्व चर्चित अलराउन्डर क्रिकेटर बेन स्टोक्सले एकदिवसीय अन्तर्राष्ट्रिय क्रिकेटबाट एक वर्ष पहिले लिएको सन्यास फिर्ता लिएका छन् । २०२३ को एकदिवसीय विश्वकप क्रिकेटको पूर्वसन्ध्यामा आएर स्टोक्सले सन्यास फिर्ता लिएको घोषणा गरेका हुन् । गत वर्ष २०२२ जुलाई १९ मा दक्षिण अफ्रिकासँगको खेल खेलेर सन्यास लिएका हुने एक वर्ष पछि पुनः समस्या फिर्ता लिएको जनाएका हुन ।
आउँदो अक्टोबर ५ देखि भारतमा सुरु हुने एकदिवसीय विश्वकप क्रिकेट २०२३ को तयारीमा टोली रहेका बेला उनको यो अपत्यारिलो निर्णयले इंग्ल्याण्डको टोलीलाई भने निकै राहत मिलेको छ । टोलीका एक हिस्सेदार समेत मानिएका स्टोक्स टोलीमा फर्किँदा विश्वकपमा टोलीलाई थप राहत मिलेको छ । उनले टोलीलाई दुई पटक विश्वकपको उपाधि उचाल्न महत्वपूर्ण योगदान दिएका छन् ।
सन् २०१९ मा इंग्ल्याण्डमा भएको एकदिवसीय विश्वकप क्रिकेटको उपाधि घरेलु टोलीले हात पार्दा जसका नायक उनै स्टोक्स थिए । जस खेलमा टोलीको ब्याटिङ धरासायी अवस्थामा पुगेको बेला टोलीलाई सम्हाल्दै उपाधि दिलाएका थिए । उक्त खेलमा उनले ब्याटिङ तर्फ ९८ बलको सामना गर्दै पाँच चौका र दुई छक्काको मद्दतमा अविजित ८४ रनको योगदान दिदै खेललाई सुपर ओभरमा पुर्याएका थिए, भने सुपर ओभरमा समेत तीन बलको सामना गर्दै एक चौकाको मद्दतमा अविजित आठ रन बनाएका थिए । उक्त उनको योगदान नै टोलीका लागि वरदान सावित भयो र इंग्ल्याण्डले पहिलो पटक एकदिवसीय विश्वकप क्रिकेटको उपाधि उचालेको थियो ।
त्यस्तै अष्ट्रेलियामा सम्पन्न भएको २०२२ को टी २० विश्वकपको फाइनलमा पनि उनले सोही २०१९ को एकदिवसीय विश्वकपको लय नै समाते । जस खेलमा उनले चार ओभर बलिङ गर्दै ३२ रन खर्चिएर एक विकेट हात पारेका थिए भने पाकिस्तानले दिएको एक सय ३७ रनको लक्ष्य पछ्याउने क्रममा उनले ४९ बलमा पाँच चौका र एक छक्काको सहयोगमा अविजित ५० रनको अर्धशतकीय पारी खेल्दै टोलीलाई टी २० विश्वकपको उपाधि दिलाए । जहिले पनि टोली धराशायी अवस्थामा परेको बेला सानदार प्रदर्शन गर्दै टोलीलाई जित तर्फ उन्मुख गराउने स्टोक्सले गत वर्ष मात्रै एक दिवसीय अन्तर्राष्ट्रिय क्रिकेटबाट विश्राम लिने त्यस्तै गरी टी २० र टेष्ट क्रिकेटमा भने आफै रही रहने बताएका थिए ।
तर यसपटक पनि विश्वकपको उपाधि दाबेदार मानिएको इंग्ल्याण्डका लागि उनको अभाव खड्कि रहेको थियो सोही बेला उनले सन्यास फिर्ता लिएका छन् । उनी हाल टेष्ट टोलीको कप्तान समेत रहेका छन । अब विश्वकप अघि इंग्ल्याण्डले न्युजिल्यान्डसँग एकदिवसीय अन्तर्राष्ट्रिय शृंखला खेल्दै छ ।
सम्भवतः उनी यही शृंखलाबाट एक दिवसीय टोलीमा फर्कनेछन् । अहिले उनी उमेरले ३२ लागेका छ । इंग्ल्याण्डले भारतमा हुने आसन्न एक दिवसीय विश्वकपमा उपाधि रक्षा गर्नुपर्ने चुनौती समेत रहेको छ जुन जिम्मेवारी उनी पुनः आफै लिन चाहन्छन् ।
सन् २०११ मा आयरल्यान्ड विरुद्ध डेब्यु गरेका उनले एक सय चार एकदिवसीय खेलमा तीन शतक सहित दुई हजार नौ सय १९ रन बनाएका छन्। यस्तै उनले ७४ विकेट लिएका छन्।
