काठमाडाैं । सामाजिक सञ्जाल फेसबुकमा तेस्रोलिङ्गीको नक्कली फेस बुक खाता बनाएर चरित्र हत्या गरेको अभियोगमा प्रहरीले एकजनालाई पक्राउ गरेको छ। अाज काभ्रेपलाञ्चोकको नमोबुद्ध नगरपालिका-५ का २४ वर्षीय ट्याक्सी चालक कर्मवाङ सिंङ लामालाई साे अभियाेगमा प्रहरीले पक्राउ गरेकाे हाे ।
लामाले पीडितले प्रयोग गर्दै आएको फेसबुकबाट तस्वीर डाउनलोड गरेर नक्कली फेस बुक खाता बनाई पुनः ती तस्बिरहरू अपलोड गर्ने गरेका थिए । साथै उक्त नक्कली फेस बुक खाताबाट पीडितका साथीसँग कुराकानी गरी पैसा माग गरी पीडितको बारेमा समाजमा अफवाह समेत फैलाउने गरेकाे प्रहरीले जनाएकाे छ ।
उनले फेसबुकबाट ‘स्टडी म्याटेरियल( Study Material)’ नामक म्यासेन्जर ग्रुप बनाई ग्रुपमा अश्लिल शब्द लेखि व्यक्तिगत र सामाजिक रुपमा मानसिक तनाव, दुःख, हैरानी दिई बदनाम / बेइज्जत गराई चरित्र हत्या समेत गर्ने गरेका थिए ।
पक्राउ परेका लामाविरुद्ध पाँच दिन जिल्ला अदालत काठमाण्डौबाट म्याद थप गरेर अनुसन्धान कार्य भइरहेको प्रहरीले बताएको छ।
