काठमाडौं । संरक्षित वन्यजन्तु हात्तीको दाह्रा ओसारपसार तथा बेचबिखन अभियोगमा एक व्यक्तिलाई प्रहरीले पक्राउ गरेकाे छ । विहीबार झापा खुदुनाबारीबाट अर्जुनधारा नगरपालिका-३ का २५ वर्षीय रमेश राईलार्इ प्रहरीले पक्राउ गरेको हाे ।
२०७८ फागुन २७ गते काठमाडौं महानगरपालिका-३ चक्रपथस्थित होटेलमा १५ किलो ६८ ग्राम हात्तीको दाह्री सहित ३ जनालाई पक्राउ गरी कानुनी कारवाहीका लागि डिभिजन वन कार्यालय हात्तीसार काठमाडौंमा पठाएको थियो । अनुसन्धानको क्रममा फरार रहेका रमेशलाई केन्द्रीय अनुसन्धान ब्युरो महाराजगंजबाट खटिएको प्रहरीले जिल्ला प्रहरी कार्यालय झापाको सहयोगमा झापाकै खुदुनाबारीबाट पक्राउ गरेको हो ।
राईलाई आवश्यक कारवाहीको लागि डिभिजन वन कार्यालय हात्तीसार काठमाडौंमा पठाइएको प्रहरीले जनाएको छ ।
