कञ्चनपुर । कञ्चनपुरको बेदकोट नगरपालिकाका कर्मचारी कार्यालय समयमा सुतिरहेको अवस्थामा भेटिएका छन् । आज कार्यालय परिसर भित्र नगरपालिकाकाे सभाहलमा कार्यलयका कर्मचारी निदाइरहेको सेवाग्राहीले फेला पारेका हुन् । कार्यकक्षमा कर्मचारी फेला नपरेपछि खोज्दै जाँदा सभाहलमा उनीहरू मस्त निदाइरहेको भेटिएको सेवाग्राही महेश तिमल्सिनाले जनाएका छन् । तिमल्सिना कैलालीबाट बेदकाेट नगरपालिकामा सेवा लिन जाँदा दिउसो एक बजेको समयमा कर्मचारी सुतिरहेको पाएका हुन् ।
