काठमाण्डौ। नेकपा एमालेका पूर्वउपाध्यक्ष समेत रहेका वामदेव गौतमले मंगलबार नेपाल कम्युनिष्ट पार्टी एकता राष्ट्रिय अभियान’ नामक नयाँ दल घोषणा गरेका छन् । काठमाण्डौमा आज एक कार्यक्रम गरेर गाैतमकाे संयोजकत्वमा नयाँ दलको घोषणा गरिएकाे हो । दलको सचिवमा डीबी कार्की रहेकाे बताइएको छ ।
आज घोषणा भएको नेकपा एकता राष्ट्रिय अभियान दलमा समाजवादी केन्द्र नेपाल, आधुनिक नेपाल समाजवादी पार्टी, नेकपा राष्ट्रवादी र निर्वाचन आयोगमा दर्ता नभएका आम नेपाली पार्टी र स्वतन्त्र वामपन्थी समूह पनि एकीकरण भएकाे जनाइएको छ ।
वामदेवले नयाँ पार्टीमा श्रीमती तुलसा थापा र छोरा हरिसदेव गौतमलाई पनि केन्द्रीय सदस्यमा नियुक्त गरिएकाे छ । तुलसा थापा अहिले पनि नेकपा एमालेको तर्फबाट सांसद रहेकी छ ।
