काठमाडाैं । सडक विभागले असार १ गतेदेखि भदौ मसान्तसम्म कुनै पनि सडक खन्न स्वीकृति नदिने भएकाे छ । अाज एक सूचना जारी गर्दै असार १ गतेदेखि भाद्र मसान्तसम्म सडक विभाग अन्तर्गतका कुनैपनि सडक खन्ने स्वीकृति नदिने जनाएकाे हाे ।
वर्षायाममा धारा, ढल, बिजुली, टेलिफोन जस्ता प्रयोजनका लागि सडक खन्दा तत्काल मर्मत सम्भार गरी यथास्थितिमा ल्याउन नसकिने र सडक पनि थप बिग्रँदै जाने भएकोले यस्ताे गर्न लागिएकाे जनाएकाे छ । साथै कसैले जबरजस्ती सडक खनेको पाइएमा कडा कारबाही गरिने समेत जनाइएकाे छ ।
