कैलाली । तिलाकर्णाली बचत तथा ऋण सहकारी संस्थाको अध्यक्षमा भरत शर्मा चयन भएका छन् । कैलालीको घोडाघोडी नगरपालिका २ साँडेपानी स्थित सहकारीको आज सम्पन्न १४ औं वार्षिक साधारण सभाले भरत शर्मा जैशीलाई अध्यक्षमा चयन गरेको हो । सुखडमा रहेको घोडाघोडी बहुमुखी क्याम्पसको सभाहलमा सम्पन्न साधारण सभाले सर्वसम्मत रूपमा अध्यक्षमा शर्मालाई चयन गरेको छ ।
यस्तै संस्थाको उपाध्यक्षमा बलबहादुर विष्ट, सचिवमा कृष्ण बहादुर विष्ट, कोषाध्यक्षमा द्रोपति कुमारी उपाध्याय र सदस्यमा बलराम डगौरा, गिता सुनार, सिताजानी चौधरी चयन भएका छन् । साथै संस्थाको लेखा समित संयोजकमा विरेन्द्र कुँवर एवं सदस्यमा टिका भट्ट र भक्त बहादुर विष्ट चयन भएका छन् ।
सहकारी संस्थाका अध्यक्ष रण बहादुर अध्यक्षको अध्यक्षतामा सम्पन्न साधारण सभामा आर्थिक वर्ष २०८१/०८२ को वार्षिक प्रगति विवरण तथा २०८२/०८३ को कार्ययोजना एवं वार्षिक बजेट समेत सहकारीका व्यवस्थापक लाल बहादुर भण्डारीले प्रस्तुत गरेका थिए । सहकारी ऐेन २०४८ बमोजिम २०६८ सालमा स्थापित तिलाकर्णाली सहकारी संस्थाले १४ वर्षमा २२१० सेयर सदस्य सहित १४ करोड बढीको कारोबार गर्दै आएको छ ।
सहकारीले घोडाघोडी नगरपालिकालाई कार्यक्षेत्र बनाइ पालिका भर ३ वटा कार्यालय मार्फत बचत सेवाहरू र ऋण सुविधाहरू प्रवाह गर्दै आएको छ । साथै यस क्षेत्रका विपन्न, गरीब र मध्यम किसानहरूको आर्थिक सामाजिक र सांस्कृतिक स्तर उकास्न प्रयत्नशील रहेको सहकारीका व्यवस्थापक लाल बहादुर भण्डारीले जानकारी दिएका छन् ।
तिला कर्णालीले सहकारी सिद्धान्त अनुरूप खुला तथा पारदर्शी कारोबार गर्दै आएको र आगामी दिनमा संस्थालाई थप उचाइमा पुर्याउने लक्ष्यका साथ कार्य गर्ने नव निर्वाचित अध्यक्ष शर्माले बताएका छन् । सहकारीले सहुलियत ब्याजदरमा कृषि कर्जा, घर कर्जा, व्यावसायिक कर्जा र सामाजिक कर्जा समेत प्रवाह गर्दै आएको छ । पछिल्लो समय कतिपय सहकारी संस्थाले सहकारी सिद्धान्त विपरितका कार्य गरको घट्ना बाहिरिदा सहकारी संस्थाहरू बदनाम भइरहेका बेला तिलाकर्णालीले भने कारोबारमा व्यापक फड्को मार्दै आएको छ ।
सहकारीकाे साधारण सभा कार्यक्रमकाे सञ्चालन सञ्चालक समिति सचिव चक्र बहादुर बिष्टले गरेका थिए भने कार्यक्रममा संस्थाका सेयर सदस्य सञ्चालक समितिका पदाधिकारी लगाएकाे उपस्थिति रहेकाे थियाे ।
